Kompania automobilistike japoneze “Mazda” ka prezantuar aplikacionin për telefona të mençur që lejon disa kontrolle të caktuara të makinës nga një distancë. Ky aplikacion është i lidhur me një shërbim të quajtur “Mazda Mobile Start”, kurse çmimi do të jetë 500 $ plus abonimi shtesë vjetor prej 65 $.
Me anë të këtij aplikacioni, është e mundur nga një distancë e caktuar të ndizet motori i makinës dhe gjithashtu mund të bllokohen ose zhbllokohen dyert. Përveç kësaj, ekziston mundësia e fikjes automatike të motorit të automjetit pas 30 minutash nga momenti i aktivizimit.
Sapo motori të ndizet, ajri i kondicionuar apo konfiguracionet e ndryshme në makinë mbeten në të njëjtën gjendje siç janë përdorur më parë nga shoferi, gjithashtu ky aplikacion mund të përdoret për të kontrolluar nëse dyert e makinës janë të mbyllura. Aplikacioni vjen edhe me një tjetër opsion, i cili është, “panic button”, për të aktivizuar alarmin në makinë në rast të përkeqësimit të sigurisë ose kur shoferi harron se ku e ka parkuar makinën.
Kontrolli i veturës nga largësia me telefon!
НАЈНОВИ ВЕСТИ
