Лекарите од болницата во Видин штрајкуваат со глад поради откази. Според нив, врачени се наредби за отказ на четворица вработени „кои се дрзнале да обелоденат злоупотреба на нивните пари за работа на фронтот“.
„Во последните два месеци се исплатени сите пари по штрајкот кој беше организиран минатиот пат. Но, како резултат на овие постапки и тоа што тие ги бараа своите права, овие жени беа изложени на психичко и физичко малтретирање, беа подложени на казнување. По назначувањето на новата влада, разрешувањата не забавија“, изјави д-р Иво Георгиев.
Своето незадоволство секојдневно ќе го демонстрираат и пред здравствената установа и пред Министерството за здравство. Д-р Георгиев појасни дека сакаат средба со новиот министер за здравство.
Меѓу отпуштените е и медицинската сестра Саша Копчева. Во причините било наведено дека го немал потребното образование за оваа работа. Таа призна дека има основно образование, но прецизираше дека има стаж во болницата 13 години.
Нивните главни барања се враќање на отпуштените вработени и смена на актуелното раководство на болницата во лицето на д-р Ивета Најденова.