Целиот сообраќај на аеродромот Бергамо во близина на Милано беше запрен во вторник наутро откако 35-годишен маж беше убиен откако бил вовлечен во моторот на авион што се подготвувал за полетување.
Според информациите, жртвата намерно влегла во оперативната зона на аеродромот.
Flights were suspended at Bergamo-Orio al Serio Airport in northern Italy after a person reportedly ran onto the tarmac and was sucked into a plane’s engine, according to local media.
— Clash Report (@clashreport) July 8, 2025
The airport authority, SACBO, said operations halted at 10:20 a.m. due to a “taxiway… pic.twitter.com/n5Vgk9d1Gy
Мажот, кој не бил ниту патник ниту вработен на аеродромот, успеал да ги заобиколи безбедносните проверки и да истрча кон авионот во движење.
Полицијата ги забележала неговите сомнителни движења, но не можела да го запре навреме. На местото на настанот пристигнале и пожарникари, објави италијанската новинска агенција АНСА.
Властите ги истражуваат околностите на несреќата и како човекот успеал да ги избегне безбедносните мерки.
Воздушниот сообраќај е обновен околу пладне по полициската истрага.
Сведок кој видел сè чекал да се качи на соседниот авион. „Се обидувавме да се искачиме по скалите кога видовме сè“, рече тој.
Патниците морале да останат во авионот додека не пристигнале пожарникарите и полицијата. Потребни биле околу педесет минути за да им се објасни што се случува пред да бидат симнати од авионот бидејќи нивниот лет бил откажан.