Përleshjet midis forcave irakiane dhe pjesëtarëve të organizatës terroriste DAESH (ISIL) të intensifikuara në rajonin Anbar, kanë shkaktuar një valë të re të zhvendosjes së popullsisë në Irakun e Veriut, ndërsa sipas të dhënave zyrtare në vitin e kaluar kriza brenda Irakut ka zhvendosur më shumë se tre milionë persona.
“Për shkak të konfliktit në Anbar dhe rajone të tjera në tre muajt e fundit, nga shtëpitë e tyre janë larguar më shumë se 100.000 njerëz. Sipas informacioneve që kemi, numri i të zhvendosurve ka tejkaluar 3 milion”, tha ministri irakian i Migracionit.
Ministri theksoi se 46 përqind të refugjatëve janë vendosur në territorin e vetëqeverisjes kurde në Irakun e Veriut, ndërsa 54 përqind e refugjatëve të mbetur strehim kanë gjetur në Bagdad dhe pjesë të tjera të vendit.
Duke vënë në dukje se për përkujdesjen e refugjatëve, autoritet irakiane në vit u nevojiten 4 miliard dollarë, Muhammet tha se ministria do të bëjë pjesën e saj të punës dhe do të përgatis ndihmat e nevojshme për refugjatët nëse qeveria irakiane bënë pagesën e planifikuar prej dy miliardë dollarësh, ndërsa Kombet e Bashkuara pjesën tjetër,transmeton AA.
“Megjithatë, këto fonde janë të mjaftueshme vetëm për nevojat themelore të refugjatëve, jo edhe për të gjitha kërkesat e tyre. Ministria e Migracionit po përballet me probleme të mëdha për shkak se numri i refugjatëve në vend është vazhdimisht në rritje. Regjistrimi dhe kujdesi i refugjatëve kërkon shumë më tepër se buxheti që kemi në dispozicion” tha ai.
Duke treguar për temperaturat e larta të ditëve të verës, ku temperaturat kalojnë 50 gradë Celsius, Muhammet tha se refugjatët në çadrat e improvizuara kërkojnë kondicionerë, por se Ministria nuk është në gjendje t’ju mundësoj atyre furnizim konstant me energji./21Media
Mbi 3 milion persona janë zhvendosur nga Iraku
НАЈНОВИ ВЕСТИ
