Mediat në gjuhën shqipe kanë shënuar rekorde të reja duke lënë prapa mediat në gjuhën maqedonase. Sipas një ankete të realizuar nga Instituti ndërkombëtarë republikan tregon se Alsat-M është radhitur e dyta me 24 % të besimit, ndërkohë që “TV Sitel” e kalon me vetëm 1% më shumë, raporton nga Shkupi korrespondenti i “Kohës Ditore”.
“Alsat-M” ka një diferencë të madhe nga ndjekësit në këtë anketë; “Kanal5” me 15% shikueshmëri dhe “24 Vesti” me 12%. Shërbimi publik i informimit, ai në maqedonisht është 4 % ndërsa ai në shqip, është vetëm 1%. Ndërkaq gazeta e përditshme në gjuhën shqipe “KOHA” ka lënë mbrapa të gjitha gazetat e tjera përfshirë edhe ato maqedonase me buxhet dhe numër më të madh të të punësuarve.
Qytetarët, të pyetur nga IRI se cilën media e lexoni më shpesh për pikëpamje politike, gazetën KOHA e kanë pozicionuar në vendin e pare me 8%, duke lënë pas edhe gazetat më të mëdha maqedonase Dnevnik me 7%, VEST me 5% të pasuar nga gazeta në gjuhën shqipe Lajm, Slloboden Peçat, Veçer, Utrinski Vesnik dhe Nova Makedonija.
Anketa e IRI-t, mes tjerash, ka vërtetuar lexueshmërinë e ulët të shtypit nga ana e qytetarëve në Maqedoni. 90% e të anketuarve kanë deklaruar se burimi kryesor i tyre i informimit është pikërisht televizioni, dhe jo gazetat ose radiot.
Mediat shqipe më të besueshme se ato maqedonase
НАЈНОВИ ВЕСТИ
