Меѓународниот кривичен суд (МКС) издаде тајни налози за апсење на уште пет израелски функционери – тројца политичари и двајца воени лица, објави денес израелскиот весник „Хаарец“. Веста доаѓа откако судот со седиште во Хаг веќе издаде налози за апсење во ноември 2024 година за израелскиот премиер Бенјамин Нетанјаху и поранешниот министер за одбрана Галант за воени злосторства и злосторства против човештвото во Газа.
МКС сè уште не ги коментираше наводите. Доколку се потврдат, вкупниот број на израелски функционери кои се соочуваат со апсење според наредбата на судот би се искачил на седум.
Војна во Газа
Во двегодишната војна во Појасот Газа што трае од октомври 2023 година, израелската војска уби повеќе од 72.000 луѓе, претежно жени и деца, и рани повеќе од 172.000.
Според Министерството за здравство во Газа, армијата продолжува со нападите и покрај прекинот на огнот што стапи на сила на 10 октомври 2025 година. Оттогаш, повеќе од 870 луѓе се убиени, а над 2.540 се ранети.