Меѓународните набљудувачи денеска ќе ги соопштат своите наоди за Локалните избори 2025

НАЈНОВИ ВЕСТИ

Меѓународните набљудувачи денеска ќе ги соопштат своите прелиминарни оценки за текот на Локалните избори 2025 во Република Северна Македонија, на прес-конференција што ќе се одржи во Скопје.

Меѓународната мисија за набљудување е заеднички ангажман на Канцеларијата за демократски институции и човекови права на ОБСЕ (ОДИХР), Конгресот на локални и регионални власти при Советот на Европа и Европскиот парламент.

Во мисијата се вклучени вкупно 276 набљудувачи од 40 држави – 254 експерти и набљудувачи на ОДИХР (долгорочни и краткорочни), 15 претставници на Конгресот и седум од Европскиот парламент.

На прес-конференцијата, како што е најавено, ќе зборуваат Матео Мекачи, шеф на Мисијата за набљудување на изборите на ОДИХР, Гобнит Ни Вимнехан, шефица на делегацијата на Конгресот, и Марта Темидо, шефица на делегацијата на Европскиот парламент.