Министерот за економија Крешник Бектеши има позитивен тест на коронавирусот. Тој ова го соопшти на својот профил на „Фејсбук“. Нема никакви симптоми, а членовите на неговото семејство се негативни.
„Драги пријатели,
Сакам да ве известам дека и покрај максималните напори за почитување на протоколите и мерките за заштита од коронавирусот, добив информација дека сум позитивен на КОВИД-19 тестот направен утрово.
За среќа, немам никакви симптоми и се чувствувам добро, а членовите на моето семејството по денешното тестирање се негативни на тестот за КОВИД-19.
Ве повикувам сите да се придржувате кон протоколите и мерките за заштита, ви посакувам се најдобро на вас и вашите семејства!
Заедно со вашата поддршка, ќе го надминеме овој предизвик!
Здравје и среќа за сите!“, напиша Бектеши.