Премиерот Христијан Мицкоски денеска од Штип рече дека чувствува мачнина кога слуша за зголемување на платите на судиите и обвинителите, и додаде дека има дилема дали и сегашните плати ги заслужуваат, со оглед дека имаат само 2% доверба од граѓаните.
„Моите ставови за судството и обвинителството се многупати кажани, и секогаш кога ќе кажат дека доцниме во законите за реформи во судството, основната суштина е зголемување на буџетот, а со тоа и зголемување на платите на судиите и обвинителите, кои имаат рејтинг 2%, а се бара зголемување на платите 0,8% од БДП на судиите и 0,5% на обвинителите. Некогаш чувствувам мачнина, затоа што сега и овие плати не ги заслужуваат“, изјави Мицкоски.