На протест земјоделци од Арачиново и Гази Баба: „Зошто во Ресен добиваат оштета, а ние не“

Пред неколку дена беа пред Влада, каде ги прочитаа нивните барања.
Но бидејќи никој не ги слушна, земјоделците од Арачиново и Гази Баба денеска го блокираа булеварот “Александар Македонски“ во Скопје. Тие бараат оштета за штетата предизвикана од поплавите во 2018.

„Баравме да бидеме третирани исто како земјоделците од овие две општини, бидејќи имаме многу сигурни информации дека низ разни општини во РСМ имало штета по 2018 и им е извршена исплата. Само една општина ќе спомнам, Ресен. Во Ресен имало штета во 2019 и е исплатена оштета за земјоделците од Ресен“, вели Аднан Хајрулаху.

„Наместо да сме на нива и да работиме,ние излеговме на протест. Не знам зошто ние треба да го бараме нашето право на протест.“.

Земјоделците велат дека денеска е само прв ден од протестите,бидејќи тие ќе продолжат да протестираат додека се реши проблемот. Од Влада нема никаква реакција.