Цената на нафтата „Брент“ денеска надмина 95 долари за барел, додека европските берзански индекси забележаа пад по новата ескалација на конфликтот на Блискиот Исток меѓу Соединетите Американски Држави и Иран.
Вашингтон изврши нови напади врз Иран, додека Техеран возврати со напади со дронови и ракети врз Кувајт, Јордан и Бахреин, кои се сојузници на САД во регионот.
Фјучерсите на северноморската нафта „Брент“ за испорака во ноември во еден момент пораснаа за 0,81 отсто, достигнувајќи 95,42 долари за барел. Американската нафта WTI поскапе за 0,45 отсто, на 90,63 долари за барел, пренесува CNBC.
Новата ескалација на конфликтот ги зголеми стравувањата од нарушување на снабдувањето со нафта од Блискиот Исток, што дополнително ги зголемува притисоците врз светските енергетски пазари.