Португалскиот фудбалер Кристијано Роналдо е најплатениот спортист во светот, откако потпиша договор со судискиот клуб Ал Наср, објави магазинот Форбс.
Роналдо во претходните 12 месеци заработи 136 милиони долари и за прв пат од 2017 година е најплатен спортист во светот.
Најпознатите спортисти во светот:
- Кристијано Роналдо (фудбал) 136 милиони долари
- Лионел Меси (фудбал) 130
- Килијан Мбапе (фудбал) 120
- Леброн Џејмс (кошарка) 119,5
- Канело Алварез (бокс) 110
- Дастин Џонсон (голф) 107
- Фил Микелсон (голф) 106
- Стеф Кари (кошарка) 100,4
- Роџер Федерер (тенис) 95,1
- Кевин Дурент (кошарка) 89,1
Втор на листата на Форбс е фудбалерот на Пари Сен Жермен, Лионел Меси, кој во последната година заработи 130 милиони евра.
Неговиот соиграч Килијан Мбапе е трет со заработени 120 милиони долари, четврти е кошаркарот на Лос Анџелес Лејкерс Леброн Џејмс со 119,5 милиони долари, а петти е боксерот Канело Алварез со 110 милиони долари.
Голферите Дастин Џонсон и Фил Микелсон го заземаат петтото и шестото место со 107, односно 106 милиони долари, а кошаркарот на Голден Стејт, Стеф Кари е осми со 100,4 милиони долари.
Легендарниот швајцарски тенисер Роџер Федерер е единствениот пензиониран спортист на листата, тој е деветти со 95,1 милиони долари. Се пензионираше минатиот септември.
Кошаркарот на Феникс, Кевин Дурент е 10-ти со 89,1 милиони долари, кои ги заработи минатата година.
Десетте најплатени спортисти во светот вредат вкупно 1,11 милијарди долари, пред даноци и такси за агенти, што е за 12 отсто повеќе од минатата година.