Шамсуд-Дин Џабар, 42-годишникот од Тексас кој со својот пикап се возеше во толпата на новогодишната ноќ во Њу Орлеанс, убивајќи 15 и рани десетици, отслужил 13 години во американската војска, вклучително и во Авганистан.
Истражителите на ФБИ и локалната полиција соопштија дека Џабар не дејствувал сам и дека ги бара неговите соработници.
ФБИ објави дека тој имал знаме на ИСИС на камионот и дека инцидентот го разгледуваат како можен терористички напад.
И додека истрагата се уште е во тек, се уште нема информации кои би објасниле зошто Џабар, американски државјанин кој пораснал во Тексас, би го извршил нападот во Њу Орлеанс.
🚨 #UPDATE: The suspect – Shamsud-Din Jabbar named in relation to the morning's attack in New Orleans is a US Army veteran, the FBI has revealed, adding Jabbar was not solely responsible. The car-ramming attack at Bourbon Street left 15 dead during New Year's celebrations. pic.twitter.com/ucwvxaNRXE
— GAROWE ONLINE (@GaroweOnline) January 2, 2025
Вооружениот напаѓач е убиен на местото на настанот во размена на оган со полицијата, соопштија официјални лица.
Од 2007 до 2015 година Џабар служел во армијата како специјалист за човечки ресурси и информатичка технологија, а потоа се префрлува во резерва, каде што работел како специјалист по информатика до 2020 година. Од февруари 2009 година до јануари 2010 година, тој беше распореден во Авганистан. Последниве години работеше како агент за недвижнини.
ФБИ верува дека Џабар изнајмил пикап Форд со кој удирал во луѓето во популарниот француски кварт рано на новогодишната ноќ пред да излезе и да пука во полицијата. Тој успеал да ја заобиколи заштитната ограда возејќи по тротоарот, соопшти полицијата во Њу Орлеанс.
На возилото било пронајдено знаме на Исламската држава, а внатре било пронајдено оружје и потенцијална експлозивна направа, како и други можни направи во Францускиот кварт.
„Веруваме дека Џабар не дејствувал сам“, рече агентот на ФБИ Алетеа Данкан на прес-конференција.
Судските документи покажуваат дека Џабар се развел од сопругата со која има дете во 2022 година и се чини дека нема криминално досие пред нападот.