Наместо да се брои против сивата економија, Владата ја стимулира истата со солидарен данок кој воопшто не претставува солидарност туку арамилук, вели Бојан Стојановски од ВМРО-ДПМНЕ.. Законот за солидарен данок го нарекува економски пораз со кој владата сака да има придобивки за себе на грбот на компаниите.
Против законот за солидарен данок е и СКСЗМ. Извршниот директор Дурим Зеќири вели дека сумата што ќе се акумулира од солидарниот данок не е голема да би можела да заврши некоја работа од социјален аспект, а не па од економски.
„Официјалните податоци покажуваат дека стотици милиони евра се невратен долг од приватни субјекти кон државата а кои не се избришани и мислиме дека таа сума е поголема од оние 70 милиони што се очекува да се соберат од солидарниот данок“, вели Дурим Зеќири.
Овој закон ќе донесе повеќе негативни ефекти отколку позитивни, вели Зеќири а додава дека со солидарниот данок Владата испраќа порака дека може да ги казни бизнисите но и граѓаните на ретроактивен начин.