Комисијата за заразни болести на денешната седница дискутираше за укинувањето на ПЦР тестови за државјаните на земјите од регионот, но сѐ уште нема дефинитивно мислење, вели заменик-министерот за здравство, Илир Хасани. Тој за ТВ21, рече дека отворањето на границите без ПЦР тестови било приоритетно прашање и дека го прават максимумот за да се укинат. Како што вели, интерес за ова покажале и другите земји од регионот.
„Во Комисијата за заразни болести денеска е дискутирано за забрзување на постапките за укинување на тестот. Не е точно дека Комисијата дала конечно мислење да се укинат тестовите но е дискутирано дека тестирањето врз база на сите епидемиолошки параметри и врз основа на сите други социо-економски параметри е дискутирано дека ќе треба да се разгледа повторно на многу сериозен начин укинувањето на ПЦР тестот за патување во земјите од регионот.“, рече Хасани.