Повеќе од две недели во Кичево нема регистарски таблички за нови автомобили. Револтираните граѓани чекаат со недели чекајќи за регистарски таблички. Има и такви кои дошле од дијаспора и донеле автомобили и сакаат да ги регистрираат, но немаат време за чекање.
Истата мака ја има и овој кичеец кој живее и работи во Америка. Вели дека со недели чека за регистарски таблички.
„Веќе купив автомобил и го регистрирав. Одам во МВР, секогаш ми велат дојди по една – две недели. Вработените не се виновни, но државата како држава треба да преземе мерки да не дојде работата да чекаме за регистарски таблички, демократска земја, земја кандидат за влез во ЕУ.“, вели Блерим Имери.
Тврди дека ги платил сите давачки и ги чека само регистарските таблички.
„Платив се, ги немам само регистарските таблички. Властите се уште се во зимскиот сон и нема никаков интерес за решавање на прашањето.“, рече Имери.
Од СВР Охрид, велат дека проблемот наскоро ќе се надмине.
„Потпишан е договор во врска со регистарски таблички. Избран е нов економски оператор и можно е мало задоцнување од технички причини во издавањето регистарски таблички, но тоа ќе се реши наскоро.“, рече Стефан Димоски, портпарол на СВР Охрид.
Проблем со регистарските таблички има и во неколку други градови во земјата. ТВ21 дознава дека регистарски таблички нема да има до крајот на овој месец.