Израелскиот премиер Бенјамин Нетанјаху вечерва ѝ порача на јавноста дека можат да ги напуштат своите засолништа, откако нов бран ирански ракети прелета над израелска територија.
„Иранскиот режим никогаш не бил послаб. Ова е можност иранскиот народ да се спротивстави на режимот“, рече Нетанјаху во својот говор вечерва.
Тој, исто така, им се обрати директно на граѓаните на Иран: „Јас сум со вас, израелскиот народ е со вас“, рече тој.
Prime Minister Benjamin Netanyahu:
— Prime Minister of Israel (@IsraeliPM) June 13, 2025
To the proud people of Iran,
We are in the midst of one of the greatest military operations in history, Operation Rising Lion.
The Islamic regime, which has oppressed you for almost 50 years threatens to destroy our country, the State of Israel. pic.twitter.com/F67bxcDitL
Министер за одбрана: Иран ја премина црвената линија
Израелскиот министер за одбрана Израел Кац рече дека Иран „ја преминал црвената линија со лансирање ракети врз израелски цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, за време на кои беа погодени нуклеарни објекти, а беа убиени високи команданти и научници.