Нивото на Охридското Езеро два сантиметри под минимумот

ПОСЛЕДНИ ВЕСТИ

Нивото на Охридското Езеро денеска е за два сантиметри под дозволениот минимум, а Преспанското Езеро за 46 сантиметри го има надминато апсолутниот минимум, покажуваат денешните мерења на Управата за хидрометеоролошки работи.

Кај реките забележано е зголемување на водостојот за осум саниметри кај реката Вардар на мерното место кај Јегуновце, додека кај поголем дел од останатите реки има намалување. Најдрастично намалување има кај реката Струмица каде според денешните мерења нивото е за 10 саниметри пониско во однос на вчера. За четири сантиметри е намален водостојот на Вардар кај Демир Капија и за два саниметри кај Скопје, за три саниметри е пониско нивото и на реката Пчиња кај Пелинце и за два саниметри кај Катлановска бања.