Студентите Албанци најавија протест за денес, 18 мај, во 16:30 часот пред Камениот мост во Скопјe, со барање да се дозволи испитот по правосудство да се полага на албански јазик.
Протестот е организиран под мотото „Обединете се со студентите – сите со еден глас“, додека организаторите велат дека имаат за цел да го заштитат правото на употреба на албанскиот јазик на стручните испити.
Студентите, исто така, ги повикаа спортистите, уметниците и јавните личности да се приклучат на протестот во поддршка на нивните барања.
Ова е втор студентски протест, по оној организиран на 6 април годинава.