Парламентот на Црна Гора денес ги одобри измените на Законот за здравствено осигурување, со кои на жените со дијагностицирана секундарна дисменореа – болни менструални циклуси придружени со грчеви, гадење и замор – им се дава право на два дена платен одмор месечно.
Според црногорските медиуми, ова право важи за жени кои имаат болна менструација предизвикана од органски проблеми, како што се ендометриоза, фиброиди, полипи и други гинеколошки заболувања.
Иницијативата за законски измени беше презентирана во март оваа година од независната пратеничка Јевросима Пејовиќ, додека претходно предлогот беше едногласно поддржан од Комисијата за здравство, труд и социјална политика, како и од Законодавно-правната комисија.
Во образложението за законот се наведува дека целта на промените е правилно регулирање на дијагностицираните патолошки состојби на секундарна дисменореја, отстранување на стигмата и предрасудите на работното место и создавање рамнотежа помеѓу зачувувањето на здравјето на жените и професионалните обврски.