Регулаторната комисија за енергетика денеска одлучи дека цените на горивата од вечерва на полноќ се зголемуваат за половина денар.
Со тоа новата цена на ЕУРОСУПЕР БС-95 ќе изнесува 68 денари за литар, а ЕУРОСУПЕР БС – 98 ќе биде по цена од 70 денари за литар.
Дизелот ЕУРОДИЗЕЛ (Д-Е V) ќе се продава по 60,50 денари за литар.
Малопродажната цена на Екстра лесното масло за домаќинство (ЕЛ-1), се зголемува за еден денар, па ќе чини 60 денари за литар.
Малопродажната цена на Мазутот М-1 НС се зголемува за 1,008 ден/кг во однос на цената утврдена со одлуката за утврдување на највисоки малопродажни цени на нафтените деривати и горива за транспорт од 31.05.2021 година и со тоа малопродажната цена на Мазутот М-1 НС изнесува 34,889 ден/кг.