Нема да се реализира денешното најавено привремено затворање на мостот „Близнак“, откако е одложена планираната санација на заштитната ограда.
Од ЈП „Улици и патишта“ информираат дека активностите кои требаше да се изведуваат денеска се одложуваат.
Поради најавената санација, мостот требаше да биде затворен за сообраќај во периодот од 13:00 до 15:00 часот.
Од претпријатието посочуваат дека дополнително ќе биде определен нов термин за изведување на работите.
Јавноста навремено ќе биде информирана за новиот датум и времето на реализација на санацијата.