Со развиорување на државното знаме долго 200 метри и широко 10 метри по двете централни улици на Белград, денеска започна тридневниот „универзален митинг“ наречен „Нема да се откажеме од Србија“, на кој српскиот претседател Александар Вучиќ ги покани своите приврзаници по повод основањето на Движењето за народот и државата.
Централниот настан започна денеска во 19 часот, а бината беше поставена на платото пред српскиот парламент, каде се собраа десетици илјади приврзаници на Вучиќ.
Вучиќ во својот говор ги нападна студентите и граѓаните кои протестираа, нарекувајќи ги уништувачи на државата и порача дека такви луѓе нема да владеат со Србија. Тој рече дека e „готово со обоената револуција“ и презентираше 5 барања за решавање на кризата што трае од уривањето на настрешницата во Нови Сад во ноември минатата година, во која загинаа 16 лица.
„Бараме од властите целосно да ги почитуваат Уставот и законот и да ја осигураат безбедноста на Србија и нејзините граѓани. Да се утврди правната одговорност на сите лица кои учествуваа во нападот врз граѓаните на мирни собири, особено во Ниш. Да обезбедат образование за секој ученик и студент. Да ги откријат сторителите на оштетување виталните државни институции и објекти“, изјави Вучиќ.
После говорот на Вучиќ, имаше голем огномет.