ОЈО Прилеп со наредби за претрес на осум локации!

Се вршат претреси на повеќе локации низ Прилеп во врска со злоупотреба во Општата болница.

Од ОЈО ги потврдуваат наводите.

„Основното јавно обвинителство Прилеп постапува во предистражна постапка поради сомненија за кривично дело Злоупотреба на службена положба и овластување, а поврзано со финансиското работење на болницата.

Обезбедени се наредби за претрес на осум локации, а дејствијата ги презема Управата за финансиска полиција.

По претресите, предистражната постапка ќе продолжи со други дејствија за обезбедување докази“.