Папа Лав Четиринаесетти изјави денес дека Ватикан „нема да седи со скрстени раце“ пред прекршувањето на човековите права ширум светот и го повтори повикот за работа на „ненавооружан и разоружувачки мир“.
Во обраќањето до новите амбасадори при Светата Столица, кои ги претставуваат Узбекистан, Молдавија, Бахреин, Шри Ланка, Пакистан, Либерија, Тајланд, Лесото, Јужна Африка, Фиџи, Микронезија, Летонија и Финска, папата нагласи дека мирот „не е само отсуство на конфликт“, туку „активен и барачки дар… изграден во срцето и од срцето“, кој бара посветеност на откажување од „гордоста и одмаздата“ и отпор кон „искушението зборовите да се користат како оружје“, пренесува Vatican News.
Тој истакна дека „геополитичките тензии и фрагментацијата продолжуваат да се продлабочуваат на начини што ги оптоваруваат нациите и ги нарушуваат врските на човечкото семејство“, како и дека „сиромашните и маргинализираните најмногу страдаат од овие потреси“.
Папа Лав Четиринаесетти додаде дека светот не смее „да го сврти погледот од оние кои лесно стануваат невидливи поради брзите економски и технолошки промени“, како и дека „Светата Столица нема да биде нем набљудувач на сериозните разлики, неправди и прекршувања на основните човекови права во нашата глобална заедница“.