Андреј Петров во гостувањето во дебатниот магазин „Click Plus“ на ТВ21 изјави дека партијата СДСМ „лошо минала“ на изборите и дека резултатот не може да се прикажува како задоволителен.
„На крај, пред фактите и Боговите молчат. Резултатот е таков – победи ВМРО-ДПМНЕ, ВЛЕН освои сериозен број општини. Oпозицијата има 125-126 илјади гласови, што е најнизок резултат. Секој обид да се каже дека тоа е добар резултат е погрешен – тоа е лош резултат,“ изјави Петров.
Тој посочи дека исходот од изборите е последица на „сплет на минати околности“, кои, според него, СДСМ не успеал навреме да ги коригира.
Според Петров, партијата треба сериозно да направи анализа и да ги идентификува грешките што довеле до ваквиот резултат.