Премиерот Андреј Пленковиќ најави дека Хрватска во знак на солидарност ќе испрати спасувачки тим од 40 луѓе.
„По повод катастрофалниот земјотрес што ги погоди Турција и соседните земји, утрово се договоривме со министрите Давор Божиновиќ и Гордан Грлиќ-Радман Хрватска да испрати спасувачки тим од 40 луѓе во знак на солидарност“, објави Пленковиќ на Твитер.
U povodu katastrofalnog potresa koji je pogodio Tursku i susjedne zemlje, jutros s ministrima @DavorBozinovic i @grlicradman. Dogovorili smo da će Hrvatska u znak solidarnosti poslati tim za spašavanje od 40 ljudi @RavnateljstvoCZ. pic.twitter.com/nG6xZ6GFex
— Andrej Plenković (@AndrejPlenkovic) February 6, 2023
Тлото во југоисточна Турција не престанува да се тресе. Во последните неколку часа областа беше погодена од два катастрофални земјотреси. Првиот беше со магнитуда 7,8, а вториот 7,5 степени според Рихтеровата скала. Над илјада луѓе загинаа во Турција и Сирија, а илјадници беа повредени. Се очекува бројката значително да порасне во наредните часови и денови.