Денеска на 71-годишна возраст почина поранешниот пратеник од редовите на СДСМ, Наќе Стојановски. Оваа тажна вест ја обелодени министерката за одбрана Радмила Шеќеринска.
„Почина Наќе Стојановски, истакнат член на СДСМ, пратеник во три мандати, и вршител на други важни должности меѓу кои и директор на Централен регистар. Ќе ги паметиме неговата истрајност, смисол за хумор, скромноста и пред се другарството. Почивај во мир Наќе. Сочувство до најблиските!“, напиша на Фејсбук, министерката за одбрана, Радмила Шекеринска.
Стојановски беше пратеник во Собранието во три мандата, од 1991 до 1994, од 1994 до 1998 година и од 1998 до 2002 година.