Полска и Чешка ги ублажуваат мерките

ПОСЛЕДНИ ВЕСТИ

Полските власти почнуваат со втората фаза од укинување на ограничувањата воведени  во март за време на третиот бран на Ковид-19.

Во првата фаза на 1 мај, жителите на земјата добија дозвола да ги користат спортските објекти на отворено, како и затворените спортски сали и базени, но само за организирани групи за деца и млади. Фризерски и козметички салони беа отворени една недела порано.

Од денеска, првпат по шест недели, полските жители ќе можат да ги посетуваат продавниците и трговските центри. Задржано е барањето да има 15 квадратни метри по клиент во продажните места. Исто така можат да се посетат музеите и галериите.

И од 8 мај, ограничувањата за туристичкиот сектор постепено ќе бидат укинати. Од хотелите ќе се бара да пополнат 50 проценти од капацитетите, а базените, просторите за рекреација и бањите ќе останат затворени.

Од 15 мај, рестораните и кафулињата ќе продолжат со работа, но само на отворено. Од средината на мај, исто така, се планира отворање на кина и театри на отворено со капацитет до 50 проценти од местата. Исто така, ќе бидат дозволени семејни настани на отворено, како што се свадби со најмногу 25 гости.

Луѓето кои се целосно вакцинирани или имаат негативен тест на коронавирус, направен не подоцна од 48 часа пред патувањето, се ослободени од 10-дневниот карантин при влегувањето во земјата.

И во чешка се ублажуваат мерките. Сите трговци на мало, продавници за поправки, кројачки салони, продавници за чевли, студија за тетовирање, солариуми ќе продолжат со работа во Чешка од следната недела, согласно владината одлука, јави ДПА.

Регулативите стапуваат во сила на 10 мај и вклучуваат укинување на условот за носење маски на отворено, кои ќе бидат задолжителни само ако не може да се овозможи безбедно растојание меѓу две лица.

Чешкиот министер за здравство Питер Аренбергер изјави дека патниците не треба да се придржуваат кон правилата за тестирање и карантин, доколку приложат потврда за примена вакцина против коронавирусот.