Поранешниот играч на Реал Мадрид и Евертон, Ројстон Дренте (38), беше хоспитализиран во петокот откако ненадејно падна и доживеа мозочен удар. Неговиот тим и најблиските велат дека тој бил итно префрлен во болница и е под стручна грижа и во добри раце.
Иако деталите за неговата здравствена состојба сè уште не се објавени, лекарите се оптимисти и се надеваат на „непречено закрепнување“.
Дренте ја започнал својата фудбалска кариера во неговиот роден град Ротердам, каде што го покажал својот потенцијал уште на млада возраст во младинските категории на Феенорд.
Во 2007 година, тој го привлече вниманието на големите клубови и потпиша за Реал Мадрид, во трансфер проценет на околу 13-14 милиони евра.
Тој помина неколку години во дресот на „Кралскиот клуб“, освојувајќи ја Ла Лига во сезоната 2007–08. Во сезоната 2011–12, Дренте играше во англиската Премиер лига како позајмен играч во Евертон, но неговата кариера оттогаш го однесе низ различни клубови. Од Русија до Турција и Обединетите Арапски Емирати, а потоа се врати во холандскиот и шпанскиот фудбал.