Американскиот претседател Доналд Трамп во среда објави дека Израел и палестинската група Хамас ја потпишаа првата фаза од мировниот договор за Газа, постигнат со посредство на САД.
„Многу сум горд што објавувам дека Израел и Хамас ја потпишаа првата фаза од нашиот мировен план“, рече Трамп на платформата Truth Social, додавајќи:
„Ова значи дека сите заложници наскоро ќе бидат ослободени, а Израел ќе ги повлече своите трупи на договорените линии како прв чекор кон силен, одржлив и траен мир. Сите страни ќе бидат „третирани фер“, рече тој.
Американскиот претседател го опиша моментот како голем ден за арапскиот и муслиманскиот свет, Израел, соседните земји и САД.
Трамп им се заблагодари на сите посредници, вклучително и на Турција, „кои работеа со нас за да се случи овој невиден историски настан“.
„Благословени се миротворците“, додаде тој.