Бројот на случаи на птичји грип во Германија нагло се зголеми во последните две недели, изјави денес министерот за земјоделство Алојз Рајнер, предлагајќи зголемени заштитни мерки за спречување на ширењето на вирусот.
„Моментално имаме многу епидемии, како кај дивите птици, така и на живинарските фарми“, рече Рајнер, истакнувајќи дека ова не е невообичаено за овој период од годината, но „брзото ширење на инфекцијата во последните 14 дена покажува дека ситуацијата е сериозна и дека е важно да се преземат заеднички и координирани мерки“.
Vogelgrippe breitet sich in Deutschland rasant aus https://t.co/JHALr8d7z0 pic.twitter.com/VwNcXVnDnm
— WELT (@welt) October 24, 2025
Повеќе од илјада мртви жерави се пронајдени во близина на Берлин, а се верува дека причина за смртта на птиците е птичјиот грип. Министерството за земјоделство на сојузната покраина Баден-Виртемберг вчера објави дека околу 15.000 птици ќе бидат убиени на живинарска фарма во Елинген поради ширењето на вирусот.
in nds. wurden etliche tote kraniche gefunden. nach schriftl. meldung beim Vet. amt, lautet die antwort: 'können sie den vogel einpacken & vorbei bringen'?
— Nur Dabei (@_nur_dabei) October 23, 2025
nein, kann ich nicht! 3 tage brauchte das amt um den inzwischen zerfledderten kranich abzuholen🤨https://t.co/LCl7ibAZcz pic.twitter.com/sHk1YHfEXp
Птичјиот грип е заразна болест која често е фатална за птиците и живината, но не е опасна за луѓето. Покрај заштитата на животните и спречувањето на штети врз земјоделството и прехранбената индустрија, приоритет е и спречувањето на вирусот, според министерот за земјоделство.
Министерството за земјоделство во меѓувреме побара од Европската унија да ја зголеми отштетата за сопствениците на вредни фармски животни што мора да се убијат, од 50 до 110 евра, за да ги поддржи земјоделците, рече министерот Рајнер. Надоместокот од фондот за болести кај животните обично се базира на пазарната вредност на животното, забележува агенцијата ДПА.