Населението во регионот е повикано да внимава поради пустинската прашина која за неколку дена преку Африка би можела да стигне до овие простори, но и поради наглото покачување на температурата.
Метеоролозите од соседна Грција јавуваат за топлотен бран кој доаѓа од Северна Африка, и ќе ја зафати земјата од четврток.
Експертите предвидуваат дека во сабота температурата ќе се искачи до 35 степени, а во недела ќе биде потопло за неколку степени.
Покрај топлотниот бран, голема количина пустинска прашина доаѓа и од Африка. Поради пустинската прашина и топлото време, јавноста е предупредена да ги преземе неопходните мерки на претпазливост и да не поминува премногу време на отворено.
Пустинската прашина која пристигна од Африка го прекри небото во неколку држави во месец април.
Видливоста во и околу центарот на градот беше значително намалена поради пустинската прашина.