Премиерот Зоран Заев денеска на пунктот во спортската сала „Борис Трајковски“ се вакцинираше против коронавирусот.
Тој се вакцинираше со првата доза на кинеската вакцина Синофарм.
„Се чувствувам одлично и ќе ја продолжам мојата дневна работна агенда во попладневните часови“, истакна Заев.
Тој ги повика граѓаните да се вакцинираат против коронавирусот, и истакна дека вакцините се проверени и безбедни.
Инаку, досега во Македонија се вакцинирани 74,076, а заинтересирани граѓани за вакцинација има вкупно 256,346.