Девет лица се повредени во престрелка во американската држава Род Ајленд. Локалната телевизија WPRI, повикувајќи се на полицијата, информира дека три лица се во тешка здравствена состојба.
Сите жртви се на возраст меѓу 19 и 25 години.
Според шефот на регионалната полиција Хју Клемент станува збор за две меѓусебно скарани групи, при што припадниците на едната, од возило пукале кон куќа каде се наоѓала другата група, по што почнала престрелката.
Лицата инволвирани пукањето од претходно и се познати на полицијата, но Клемент информираше дека засега никој не е уапсен.