Претседателката на Европската комисија Урсула фон дер Лајен на Инстаграм се пофали дека првпат станала баба.
Поранешната германска министерка за одбрана и мајка на седум деца објави фотографија од себе и нејзината внука со хаштаг #ГордаБаба и опис дека станува збор за „магичен миг“. Фон дер Лајен не ги откри името на детето, точниот датум на раѓање и името на родителите. Таа само рече дека добила внука.
„Првиот пат кога ќе ја прегрнеш својата внука е еден од оние мигови по коишто ти минува сè пред очи и те потсетува на она што е навистина важно во животот“, напиша политичарката.
Со нејзиниот сопруг, лекарот и академик Хејк фон дер Лајен, таа израсна седум деца, родени меѓу 1987 и 1999 година.
Пред да го преземе кормилото на ЕК, Фон дер Лајен водеше три различни сектори во германската Влада – одбрана, труд и семејство.