Чесноста на дело ја покажа 18-годишниот Огнен од Делчево, кој откако пронашол 4.000 евра на улица, одлучил да не ги задржи за себе, туку да ги предаде во полиција.
Наместо да ги искористи пронајдените пари, младиот делчевец го пријавил случајот и им ги предал парите на полициските службеници.
За овој потег, Огнен доби плакета како признание за чесноста и одговорноста што ги покажал. Неговиот пример е потсетник дека личниот интегритет и чесноста имаат посебна вредност, особено кога станува збор за пронајден имот што му припаѓа на некој друг.