Белата куќа ја критикуваше одлуката на Комитетот за Нобелова награда за мир да му ја додели наградата за мир на лидерот на венецуелската опозиција, наместо на претседателот на САД, Доналд Трамп.
„Претседателот Трамп ќе продолжи да склучува мировни договори, да ги завршува војните и да спасува животи. Тој има срце на хуманитарец и никогаш нема да има друга личност како него, која може да поместува планини со сопствена волја“, изјави портпаролот на Белата куќа, Стивен Чеунг, за X.
„Нобеловиот комитет докажа дека ја става политиката над мирот“, додаде тој.
Трамп не криеше дека сака наградата и оваа недела објави прекин на огнот и договор за заложници за да се стави крај на војната во Газа. Републиканскиот претседател сè уште не ја коментираше одлуката за Нобеловата награда за мир, но во петокот наутро објави три видеа на својот профил на социјалните мрежи Truth Social, во кои го фали за договорот за Газа.