Во главниот град на руската република Дагестан, непознати лица убиле тројца полицајци, објавија руските медиуми.
Според првичните информации, нападот се случил на раскрсницата на улиците Керимова и Магомедтагирова. Напаѓачите одеднаш отвориле оган врз полициска патрола, а потоа избегале од местото на злосторството со службеното возило на убиените полицајци. Еден од напаѓачите беше убиен.
‼️👀 In Makhachkala (Russia), unknown assailants with guns attacked security forces, three police officers were killed. One of the attackers was killed too. pic.twitter.com/Hfc2Djgycg
— MAKS 24 🇺🇦👀 (@Maks_NAFO_FELLA) May 5, 2025
„Двајца непознати мажи нападнаа сообраќајна патрола и отворија оган врз полицајците. Полицајците загинаа“, се вели во објавата на Телеграм каналот „112“.
Идентитетот на напаѓачите засега не е познат, а во тек е интензивна потрага. Властите потврдија дека напаѓачите украле полициско возило и избегале од местото на нападот.