Властите на државата Лузијана објавија дека осум деца биле убиени во семеен спор. Пукањето се случило во неделата околу 6 часот наутро во градот Шривпорт. Жртвите биле на возраст од 1 до 14 години.
Началникот на полицијата Вејн Смит соопшти дека вкупно 10 лица биле усмртени.
Челниците рекоа дека и натаму се собираат докази од местото на злосторството, кое се протега на три локации. Смит рече дека осомничениот за нападот е убиен во полициска престрелка во текот на потера со автомобил.