Jo pa qëllim kryeministri shqiptar, Edi Rama heshti tri ditë dhe doli sot më 23 qershor para qytetarëve për të dhënë mesazhin e tij për zgjedhjet vendore 2015. Rama tha se ishte pikërisht data 23 qershor dy vite më parë kur shqiptarët e zgjodhën atë kryeministër të vendit, e sërish sot i besuan së majtës shqiptare qeverisjen e pushtetit vendor.
Ndërsa i cilësoi këto zgjedhje si historike dhe më të mirat e zhvilluara deri më sot në Shqipëri, kryeministri Rama shprehu mirënjohje dhe falënderim të thellë për qytetarët që morën pjesë masivisht në votime dhe i dhanë edhe një herë besimin dhe përgjegjësinë për të qeverisur jo pak por 75 % të njësive vendore, dhe 80 % të popullsisë që kanë votuar për ASHE-në këto zgjedhje.
Ndryshe nga çfarë pretendon opozita Rama, tha se në këto zgjedhje nuk pati blerje vote; as presione; e as detyrim ndaj administratës për të marrë pjesë në mitingje.
Rama tha po ashtu se do të vlerësojë me vullnet të plotë çdo rekomandim që do të vijë nga vëzhguesit ndërkombëtarë.
Rama mirënjohje për shqiptarët
НАЈНОВИ ВЕСТИ
