Уживање во чаша.
Состојки:
– 80 гр интегрален бисквит
– 50 гр темно чоколадо
– 2 лажици рум
– 1 лажица слатка павлака
– 1 чоколаден пудинг
– 2 лажици шеќер
– 500 мл млеко
И повеќе…
– 200 мл слатка павлака
Подготовка:
Скршете го интегралниот бисквит и распоредете го во чаши за сервирање.
Чоколадото растопете го на пареа и измешајте ги со румот и слатката павлака. Со подготвеното чоколадо прелијте ги бисквитите.
Прашокот за пудинг измешајте го со шеќер и шест лажици млеко. Сварете го преостанатото млеко и со мешање додадете го подготвениот пудинг.
Гответе до две минути и прелијте ги бисквитите во чаша, а потоа изладете.
Изматете ја слатката павлака во тврд шлаг.
Намачкајте го изладениот пудинг со шлагот и послужете го украсено со овошје, посипано со мелени или сечкани ореви или рендано чоколадо.