Русија изврши масовни воздушни напади во текот на ноќта врз неколку украински региони, вклучувајќи ги Киев, Одеса, Запорожје и Днепар. Во нападите врз Запорожје загина едно лице, а девет беа ранети, изјави Иван Федоров, началник на локалната воена администрација. Цел на нападите беа и патнички возови на станицата Шостка. Имаше и мртви и ранети.
Полска испрати воени авиони за да го заштити својот воздушен простор.
Во Запорожје загина една жена, а девет лица беа ранети, вклучувајќи и еден тинејџер.
Уништена е и една зграда.
Покрај Запорожје, погодени беа Киев и регионите Љубару, Малин, Попилња, Хмелницки, Деражња, Сатанов, Виницка област, Вапњарка, Немиров, Жмеринка, Козјатин, Запорожје, Днепар и Одеса, објави Укринформ, повикувајќи се на податоци од украинските воздухопловни сили и силите за противвоздушна одбрана.
Како што објави Укринформ, украинските одбранбени сили неутрализираа 73 беспилотни летала што ги користеше руската војска за напад врз Украина од петокот вечерта до саботата, а непријателски беспилотни летала и ракети беа погодени на 21 локација.
Едно лице беше убиено, а најмалку 30 беа ранети во разорниот руски напад врз патнички возови на станицата Шостка во Сумската област.
Четири лица беа повредени во украинскиот напад со беспилотни летала врз трговски центар во Белгород.
„Секој ден, Русија одзема човечки животи. И само силата може да ги запре. Слушнавме решителни изјави од Европа и Америка – и крајно време е да ги претвориме сите во реалност, заедно со сите оние кои одбиваат да ги прифатат убиствата и теророт како нормални. Само зборовите не се доволни сега. Потребна е силна акција“, рече украинскиот претседател Володимир Зеленски.
ФОТО: Архива