Најмалку едно лице е убиено, а две други се ранети во руските напади врз четири населби во Киев во текот на ноќта, соопштија украинските локални власти, додавајќи дека пожар избувнал во градинка.
„За жал, имаме информации за едно лице убиено во нападот“, напиша на Телеграм воениот командант на Киев, Тимур Ткаченко, додавајќи дека две лица се ранети.
Градоначалникот на Киев, Виталиј Кличко, објави дека пожари избувнале на неколку места, вклучително и градинка во областа Дњепровски.
Удари од беспилотни летала или остатоци, исто така, погодија станбени згради, супермаркет и влезот на метро станица, рече Кличко, повикувајќи ги граѓаните да останат во засолништа.
Украина предложи нови разговори со Русија оваа недела, изјави претседателот Володимир Зеленски во саботата, неколку дена откако доби ветување од американскиот претседател Доналд Трамп дека ќе испрати американско оружје.
Москва изврши неколку големи воздушни напади врз Украина во последните недели.