Елвир Садиковиќ од Асоцијацијата на туристички водичи во денешното издание на емисијата „10 Минути“ на ТВ21 посочи дека во изминатиот период оствариле средба со Министерството за економија каде се разговарало за решавање на овој проблем.
„Побаравме нашите барања да бидат земени во предвид, бидејќи да не бидеме само ние како водичи оштетени, туку генерално целиот туристички сектор трпи големи загуби од пандемијата. Да бидеме вкучени во петтиот сет мерки со што ќе се помогне да опстоиме се додека не се регулира состојбата“, посочува Садиковиќ.