19 пациенти побарале помош во инфективното одделение и 14 на педијатрија во Гостивар со симптоми на болки во стомакот, дијареја, како и слабост во телото. Истите, по прегледот, биле пуштени на домашно лекување, додека два случаи со потешки симптоми се хоспитализирани во болница. Директорот на болницата, Емри Бајрами, за ТВ21 изјави дека овие бројки се целосно нормални за оваа сезона и немаат врска со некој вирус или нешто слично.
„Во последните 24 часа, на инфективното одделение медицинска помош побарале само 11 пациенти, додека на педијатрија медицинска помош побарале само 14 пациенти. Тоа значи дека имаме прилично значително намалување на бројот на пациенти. Во меѓувреме, на инфективното одделение имаме само два хоспитализирани случаи, со благи симптоми. Тие ќе останат таму два до три дена и потоа ќе бидат пуштени дома.“, додаде Емри Бајрами
Но, зошто и покрај изјавите дека водата може да се користи за чистење, како и предупредувањата да не се консумира, сè уште има случаи погодени од загадената вода во Гостивар? Директорот Бајрами вели дека ова може да биде поврзано и со сезонските вируси.
„Ова сега може да се поврзе и со сезонските вирози, бидејќи и во другите години имало вакви случаи. Сепак, билансот не е поголем од претходните години.“, вели Емри Бајрами.
И покрај намалувањето на бројот на заболени од загадената вода во Гостивар и стабилизирањето на состојбата, состојбата на криза сè уште продолжува. Исто така, продолжува и секојдневното земање примероци од водата, сè до добивање негативен резултат за присуство на бактерии во три последователни контроли, по што се очекува да биде дадена дозвола за консумирање на водата.