Двајца косовски државјани се уапсени под сомнение за шверц на мигранти, откако полицијата откри седум египетски државјани во возило со косовски регистарски таблички во близина на наплатната рампа во Демир Капи.
Според Министерството за внатрешни работи, инцидентот се случил вчера на автопатот Гевгелија-Неготино, кога биле запрени две возила – „Фолксваген транспортер“ и „Шкода октавија“ – управувани од А.Г. (42) и Г.Г. (39) од Косово, додека при претресот, во комбето биле пронајдени седум имигранти од Египет и било утврдено дека другото возило служело како претходник.
Министерството за внатрешни работи нагласува дека за случајот е известено Основното обвинителство за гонење организиран криминал и корупција, додека на двајцата осомничени им е одреден притвор од 30 дена и се испратени во затворот „Скопје“, додека емигрантите се сместени во Центарот за баратели на азил во Визбегово, Скопско.