Северна Кореја денеска истрела неидентификувани крстосувачки ракети во морето, соопшти јужнокорејската војска.
Ракетите биле забележани во близина на севернокорејската источна провинција Јужен Хамгјонг и „биле истрелани кон Јапонското Море“, се вели во соопштението.
На 8 мај, Северна Кореја истрела балистички ракети со краток дострел кон Јапонското Море.
Според некои експерти, можно е да се работи за тест на оружје наменето за Русија.