Шкотска против Унгарија, а Германија со соседите Швајцарија денеска на ЕП

Групната фаза на ЕП 2024 привршува со заокружување на првата група вечерва (23/6, 21:00 часот) со натпреварите Швајцарија-Германија и Шкотска-Унгарија.

Во Франкфурт арената домаќините ќе се соочат со Швајцарија. „Репрезентацијата“ со 2/2 (5-1 Шкотска, 2-0 Унгарија) доби „билет“ за нокаутите од натпреварувањето и му е потребен бод за да го обезбеди првото место во групата.

Швајцарија има четири бода (3-1 Унгарија, 1-1, Шкотска) и сака да обезбеди квалификации. Што и дефинитивно ќе го постигне, се додека не загуби од Германија.

Двата тима се соочиле вкупно 53 пати (9-8-36), но никогаш во финалната фаза на европското.

Во другиот меч од вечерта двајцата аутсајдери од првата група, Шкотска и Унгарија, ќе ги вкрстат копјата во Штутгарт. Тимот на Стивен Кларк е трет на табелата по ремито 1-1 со Швајцарија.

За Унгарците, пак, работите се многу потешки. Без бод и со -4 гола, ќе им треба мало чудо за да влезат во првите три – и тоа секако под услов да ја победат Шкотска. Ова ќе биде 10-ти пат овие две селекции да се сретнат, а Унгарија во досегашните пријателски натпревари против Шкотите славеше со 4-2-3.