Shpërthim në një fabrikë kimikatesh në Francë

Në një fabrikë kimikatesh në jug të Francës kanë ndodhur dy shpërthime të fuqishme.
Burime nga Prokuroria pohojnë se në një fabrikë të firmës “LyondellBasell” e cila ndodhet në rajonin Bouches-du-Rhone pranë aeroportit të Marsejës gjatë orëve të mëngjesit kanë ndodhur dy shpërthime të fuqishme.
Theksohet se shpërthimet kanë ndodhur në një fabrikë kimikatesh. Një numër i madh zjarrfikësesh janë drejtuar në vendngjarje.
Ndërkohë që nga ngjarja nuk ka pasur viktima. Për shkak të rrezikut të përhapjes së zjarrit nga frika e shpërthimit të hidrkarbonit rreth fabrikës u morën masa të rrepta sigurie.
Firma amerikane e kimikateve “LyondellBasell”, në vende të ndryshme të botës ka mbi 11 mijë të punësuar.